ມາດຕາ 02 : ບັນດາທ່ານທີ່ມີລາຍຊື່ໃນ ມາດຕາ 01 ມີໜ້າທີຈັດຕັ້ງປະຕິບັດຕາມກົດໝາຍວ່າດ້ວຍກິລາ-ກາຍຍະກຳ, ຂໍ້ກຳນົດ, ກົດລະບຽບ ຂອງກະຊວງສຶກສາທິການ ແລະ ກິລາ ແລະ ໃຫ້ຖຶກຕ້ອງຕາມກົດລະບຽບຂອງສະຫະພັນກິລາຄິກບອກຊິງແຫ່ງຊາດລາວ, ສະຫະພັນກິລາຄິກບອກຊິງອາຊຽນ, ອາຊີ ແລະ ສາກົນວາງອອກ.

ມາດຕາ 03 : ມອບໃຫ້ ຄະນະບໍລິຫານງານສະຫະພັນກິລາຄິກບອກຊິງແຫ່ງຊາດລາວ ຈົ່ງໄດ້ຈັດຕັ້ງກອງປະຊຸມ, ແບ່ງງານ, ແບ່ງຄວາມຮັບຜິດຊອບ, ສ້າງແຜນການເຄື່ອນໄຫວຂະບວນການຝຶກແອບ ແລະ ແຂ່ງຂັນກິລາດັ່ງກ່າວ ໃຫ້ມີປະສິດທິຜົນ.

ມາດຕາ 04 : ຫ້ອງການກະຊວງສຶກສາທິການ ແລະ ກິລາ, ກົມຈັດຕັ້ງ ແລະ ພະນັກງານ, ກົມກິລາລະດັບສູງ, ສະຫະພັນກິລາຄິກບອກຊິງແຫ່ງຊາດລາວ, ບັນດາກົມທີ່ກ່ຽວຂ້ອງພາຍໃນ ກະຊວງສຶກສາທິການ ແລະ ກິລາ ແລະ ພາກສ່ວນອື່ນທີ່ກ່ຽວຂ້ອງ ຈົ່ງຮັບຮູ້ ແລະ ປະຕິບັດຕາມໜ້າທີ່ຂອງໃຜລາວ.

ມາດຕາ 05 : ຂໍ້ຕົກລົງຮັບຮອງສະບັບນີ້ ມີຜົນສັກສິດນັບແຕ່ວັນລົງລາຍເຊັນເປັນຕົ້ນໄປ.