ສະໂມສອນສົ່ງເສີມສີລະປະວັດທະນະທຳລາວບັນດາເຜົ່າ ມີຫນ້າທີ່ດັ່ງນີ້ :

1. ຄົ້ນຄົ້ວາວາງແຜນການກຳນົດທິດທາງ, ເນື້ອໃນ, ຮູບການ ແລະ ວິທີການ ໃນການພັດທະນາ ແລະ ເຄື່ອນໄຫວວຽກງານຢ່າງຮອບດ້ານໃນແຕ່ລະໄລຍະ, ໃຫ້ສອດຄ່ອງກັບລະດັບການຂະຫຍາຍຕົວທາງດ້ານວິທະຍາສາດ ເຕັກໂນໂລຢີ.
2. ສົ່ງເສີມການອະນຸລັກຮັກສາ ແລະ ພັດທະນາສີລະປະວັດທະນະທຳ ທີ່ເປັນເອກະລັກ ແລະ ມູນເຊື້ອອັນດີງາມ ຂອງລາວບັນດາເຜົ່າໃຫ້ມີຄວາມຈະເລີນສີວິໄລ ຂື້ນເລື້ອຍໆ ແລະ ມີການ ດຳລົງຄົງຢູ່ ຄຽງຄູ່ກັບ ສປປ. ລາວ.
3. ປະສານສົມທົບກົມກຽວ ແລະ ຕິດພັນລະຫ່ວາງການໂຄສະນາ ເຜີຍແຜ່ພາບພົດອັນດີງາມທາງການເມືອງ, ເສດຖະກິດ, ວັດທະນະທຳສັງຄົມ ກັບການໂຄສະນາເຜີຍແຜ່ ທ່າແຮງ ແລະ ຄວາມອາດສາມາດ ຂອງການທ່ອງທ່ຽວລາວ ທາງດ້ານທຳມະຊາດ ວັດທະນະທຳ ແລະ ທາງດ້ານປະຫວັດສາດອອກສູ່ນາໆ ຊາດ ໃຫ້ຮູ້ຢ່າງກ້ວາງຂວາງ ໂດຍມີສິ່ງທີ່ສົນໃຈດຶງດູດນັກທ່ອງທ່ຽວ ໃຫ້ເຂົ້າມາທ່ຽວຫຼາຍຂື້ນ.
4. ເອົາສະໂມສອນນີ້ ເປັນສູນກຳລັງແຮງສັງລວມແຫ່ງການປະດິດຄິດແຕ່ງຂອງນັກສິນລະປິນ ນັກປະພັນ ທັງຜູ້ອາວຸໂສ, ຜູ້ຊ່ຽວຊານ, ຊາວຫນຸ່ມເຍົາວະຊົນ ຜູ້ມີພອນສະຫວັນໃນດ້ານນີ້ ແລະ ເອົາສະໂມສອນນີ້ເປັນສູນແລກປ່ຽນ ສຶກສາຄົ້ນຄົ້ວາ ສຳມະນາປາຖະກະຖາ, ຝຶກອົບຮົມສ້າງຂະບວນການ, ສ້າງເທດສະການຕ່າງໆ ທາງດ້ານສີລະປະ ວັນນະຄະດີ, ທາງດ້ານວັດທະນະທໍາ ການກິລາ ແລະ ຈັດງານຕ່າງໆ ຕາມແຕ່ລະໂອກາດທີ່ເຫມາະສົມ.
5. ສົ່ງເສີມການຜະລິດ, ສີລະປະວັດທະນະທຳ, ຜະລິດຕະພັນຫັດຖະກຳສີໄມລາຍມື ລວດລາຍ ລາວບັນດາເຜົ່າ ແລະ ຜະລິດຕະພັນສີລະປະຕົ້ນຕໍຂອງພື້ນບ້ານເມືອງລາວ ບັນດາເຜົ່າເພື່ອວາງ ສະແດງໂຄສະນາ ແລະ ເປັນສິນຄ້າທີ່ລະນຶກ ເພື່ອຈຳຫນ່າຍ ແລະ ຊົມໃຊ້.
6. ສ້າງສູນຂໍ້ມູນຂ່າວສານເພື່ອໂຄສະນາເຜີຍແຜ່ສີລະປະວັດທະນະທຳລາວບັນດາເຜົ່າເຊີ່ງປະກອບດ້ວຍ:

• ຫ້ອງວາງສະແດງຮູບພາບ ແລະ ຜະລິດຕະພັນຕ່າງໆ ທາງດ້ານວັດທະນະທໍາ, ວັນນະຄະດີ ເປັນເອກະລັກ ແລະ ມູນເຊື້ອຂອງປະຊາຊົນລາວບັນດາເຜົ່າ.
• ມີຫ້ອງອັດສຽງ ເຄື່ອງອັດສຽງທີ່ໄດ້ມາດຕະຖານເປັນຢ່າງດີເພື່ອບັນທຶກສຽງຮ້ອງລຳທຳນອງເສບຕ່າງໆ ສ້າງໃຫ້ມີ ກະແຊັດ, ຊີດີ, ວີຊີດີ ເພື່ອນໍາອອກຈຳຫນ່າຍ ແລະ ນຳໃຊ້ທົ່ວສັງຄົມ ແລະ ນຳອອກໂຄສະນາຢູ່ຕ່າງປະເທດ.

7. ມີວົງດົນຕີພື້ນເມືອງລາວບັນດາເຜົ່າ ແລະ ລາວສະໄຫມເປັນຂອງສະໂມສອນເອງເພື່ອອະນຸລັກ ຮັກສາໄວ້ເຊີ່ງມີສີລະປະດົນຕີທີ່ມີເອກະລັກພື້ນເມືອງລາວບັນດາເຜົ່າທີ່ມີມູນເຊື້ອໃຫ້ດຳລົງຄົງຢູ່ ແລະ ພັດທະນາໃຫ້ກ້າວຫນ້າຂື້ນເລື້ອຍໆ ທັງເປັນພະຫານະໂຄສະນາເຜີຍແຜ່ສີລະປະດົນຕີພື້ນເມືອງລາວບັນດາເຜົ່າ ສ້າງຈິດສຳນຶກຂອງຊາວຫນຸ່ມເຍົາວະຊົນ ຫັນມານິຍົມຊົມຊອບສີລະ ປະພື້ນເມືອງລາວ ແລະ ຫ່າງເຫີນຈາກຂອງຕ່າງຊາດ ເປັນແຕ່ລະກ້າວ.
8. ມີຫນ້າທີ່ດຳເນີນການເຄື່ອນໄຫວ ແລກປ່ຽນສີລະປະວັດທະນະທຳກັບຕ່າງປະເທດສະເພາະ ຢ່າງຍິ່ງກັບບັນດາປະເທດເພື່ອນບ້ານໄກ້ຄຽງ ເປັນຕົ້ນໃນງານສິລະປະວັດທະນະທຳສອງຝັ່ງ ຂອງງານສີລະປະວັດທະນະທຳຂອງບັນດາປະເທດລຸ່ມແມ່ນ້ຳຂອງຫຼືຢູ່ໃນບັນດາປະເທດ ກຸ່ມອາຊ່ຽນ ຫຼື ໃນການໄປຮ່ວມງານດັ່ງກ່າວ ຂອງຕ່າງປະເທດຕາມການຜູກພັນ ແລະ ຮັບບັດເຊີນພ້ອມກັນນີ້ ກໍ່ເຊື້ອເຊີນເອົານັກສິນລະປິນ ນັກສະແດງຂອງບັນດາປະເທດເຫຼົ່ານັ້ນ ເຂົ້າຮ່ວມງານດັ່ງກ່າວ ຢູ່ລາວຕາມແຕ່ລະໂອກາດ ທີ່ເຫມາະສົມຕາມລະບຽບການ ແລະ ຕາມອະນຸມັດ ເປັນທາງການຈາກການຈັດຕັ້ງທີ່ກ່ຽວຂ້ອງ ຂອງລັດຖະບານ ແລະ ທ້ອງຖິ່ນ.
9. ດຳເນີນການຜູກພັນຂົນຂວາຍ ດຶງດູກແລ່ງທຶນຈາກພາຍໃນ ແລະ ຕ່າງປະເທດເພື່ອນບ້ານ ມາອະນຸລັກຮັກສາ ແລະພັດທະນາກິດຈະກຳດ້ານນີ້ ໃຫ້ມີຄວາມກ້າວຫນ້າສີວິໄລຂື້ນເລື້ອຍໆ ຮ່ວມກັນອານຸລັກຮັກສາ ສົ່ງເສີມ ແລະ ພັດທະນາສີລະປະດົນຕີພື້ນເມືອງລາວ ບັນດາເຜົ່າທັງປະສານສົມທົບກັບວົງດົນຕີສາກົນ ( ຈັງຫວະຂັບລຳທ້ອງຖິ່ນ ແລະ ເພັງລາວສະໄຫມ ) ຕາມຄວາມຮຽກຮ້ອງຕ້ອງການຂອງຕະຫຼາດ ແຕ່ຕ້ອງຢຶດຫມັ້ນໃນ 3 ຫຼັກການຄື: ລັກຊະນະຊາດ, ລັກຊະນະກ້າວຫນ້າ, ລັກຊະນະມະຫາຊົນ
10. ມີຫນ້າທີ່ປະກອບສ່ວນສ້າງວຽກເຮັດງານທຳແກ່ສັງຄົມສະເພາະຢ່າງຍິ່ງ ນັກສີລະປີນ, ນັກສະແດງ, ບັນດາຄູອາຈານ, ນັກດົນຕີ, ຜູ້ຜະລິດຕ່າງໆ ທີ່ກ່ຽວພັນຜູ້ຊ່ຽວຊານ, ອາວຸດໂສ, ຊາວຫນຸ່ມ ເຍົາວະຊົນ ແລະ ອື່ນໆ ໃຫ້ເຂົ້າຮ່ວມມີອາຊີບຫຼັກ ແລະ ຢືນຍົງ.
11. ຜູກພັນກັບບັນດາຫົວຫນ່ວຍວິສາຫະກິດ ແລະ ບຸກຄົນທີ່ກ່ຽວພັນເພື່ອເຂົ້າເປັນສະມາຊິກ ຮ່ວມກັນພັດທະນາສິລະປະ ວັດທະນະທໍາລາວບັນດາເຜົ່າ ໃຫ້ຈະເລີນກ້າວຫນ້າຂື້ນເລື້ອຍໆ.
12. ສ.ວ.ຜ. ມີສຳນັກງານ ຫຼື ຕົວແທນຂອງຕົນຢູ່ໃນບາງເຂດ ແຂວງ ທີ່ເຫັນວ່າເປັນເປົ້າຫມາຍ